Euskadiko etorkizunerako Heziketa Fisikoari buruzko adierazpena

Jarduera Fisikoaren eta Kirolaren Zientzietako Lizentziatuen Euskal Herriko Elkargo Ofizialak ariketa eta jarduera fisiko osasungarria egitearen eta bizitzaren etapa guztietan Heziketa Fisikoa egitearen –pertsonaren garapen integralera zuzenduak, biak ala biak– aldeko interesa zaintzen du, zuzenbide publikoko erakunde gisa duen erantzukizunaz.

Eusko Legebiltzarrean etorkizuneko euskal hezkuntza-sistemari buruzko akordioaren oinarriak zehazten dituen ponentzia lantzen ari den une honetan, COLCAFYD Euskal Herriak dokumentu batean jaso du derrigorrezko hezkuntza-etapan Heziketa Fisikoari eman beharko litzaiokeen tratua.

Dokumentuan, Heziketa Fisikoaren garapena justifikatzen dugu, bi ekintza-ardatzetan oinarrituta:

1. Heziketa Fisikoa gehiago eta hobeagoa ikasgai gisa.

• Heziketa Fisikoa gehiago. 3 saio, gutxienez 150 minutu astean.

• Heziketa Fisikoa gehiago eta hobeagoa. HFko saioen kalitatea hainbat elementuren arabera egongo da:

  • Irakasleriaren kalitatea eta Heziketa Fisiko sailen aldeko apustu irmoa.

  • Oinarrizko mailako prestakuntza-zikloetako ikasleentzako ekitateari buruz.

2. Heziketa Fisikoa hezkuntza gehiago eta hobeagoa, ikasgaiaz harago.

Ikastetxeak dira gune eraginkorrenak jarduera fisikoaren sustapenerako eta haurtzaroko eta nerabezaroko sedentarismoaren kontrako borrokarako. Halaxe ematen dute aditzera bai ebidentzia zientifikoak zein nazioarteko organo gorenek onartutako politika publikoek (OME eta ISPAH, 2018).

Legebiltzarrean izapidetzen dagoen jarduera fisikoaren eta kirolaren euskal legeak labur-labur aipatzen ditu nazioarte mailan oso emaitza onekin dagoeneko garaturik diren estrategia horietako batzuk. Besteak beste, hezkuntza, osasuna eta kirol arloan sail arteko lan bateratua eskatzen du.

Guzti horretarako, nahitaezkoa da ikastetxeetan HF sailak sortu eta finkatzea, komunitatean burutzen den heziketa-ekintza orok bildu behar dituen eta ikasgaiaz beraz harago joango diren zeharkako politika horien bermatzaile nola sustatzaile.

Dokumentuaren amaieran, COLEF Kontseiluak egindako konparazio-taula bat erantsi da, derrigorrezko hezkuntza-etapa osoan autonomia-erkidego guztietan ematen den irakasgaiaren ordu-kopuruari buruzkoa.

Klikatu hemen eta manifestua irakurri.